愛與痛的邊緣

有些事真是很難解釋,
自從決定關門大吉之後,
這個半星期以來已經第七日食蛋,
開張以來都未試過,
真係好邪....唔知係咪間舖唔捨得我呢?

如果唔係賺埋都唔夠比 min pay,
我亦唔想忍痛...
其實每月有些人工, 還有一點薄利,
只可惜欠銀行的咭數,
不可每月只比成九千銀min pay,
入不敷支,永遠還唔到本金,
每時每刻都好驚連min pay 都比唔起,
會有收數佬上門,
好辛苦及太大壓力,
這樣下去真不是辦法,
還有欠朋友的錢呢?
所以我決定要債務重組,
希望可以o向這幾年還晒錢比銀行,
我唔想破產,
因覺得對所有債主都好唔公平,
欠債就要還錢.

雖然我是一個任何事都失敗的人,
但唔想做一個因財失義的人.