引刀一快

明天又要動手術, 在這十二年間已做了十多次手術, 已經麻目了, 由第一次好驚, 到現在心理上同自己講:「至緊要支麻醉藥究勁同醒得番, 就掂!」對傍人來說, 像笑話, 但對我來說, 是很無奈, 我無得揀, 可能我怕死吧!
所以用一些阿 Q 來舒緩自己的恐懼, 每次入手術室就好似同麻醉師鬥爭一樣, 曾試過打左三支麻醉藥先有料到, 一個人越打得多麻醉藥就就越危險, 因血液已適應了, 所以劑量會越來越重.

明天的手術好在只是局部麻醉, 但這個部位是第二次開刀, 第一次在瑪嘉烈做時, 那個牛肺Houseman, 同我在手術部位打完麻醉藥之後, 藥力都未發揮, 佢就落刀, 嘩!...!! 醫生!我重有feel喎! 好痛! 好似比佢生劏一樣, 佢即刻同我啪多支, 之後, 佢一路劏就一路同我講話揾唔到果粒瘤, 仲話:「已經割到好深, 如果再劏多一刀, 就會到肝!」問你死未, 之後佢就同我sewing, but....sewing after 粒瘤still here, OH!!MY GOD!! 仆街!

所以引身到明日 operation again! 好驚!!

希望唔好再麻醉藥未有料到就同我落刀啦!

累鬥累

今早回到公司, 因已裝修好, 所以又要再執番好, 我由 10 時開始執到 6 時先放工, 我死了! 死因係攰死.

放工後回到家像死了一樣, 一入屋便飛身撻落張梳化, 一黐不能起直至 9 點, 腦海一片空白, 手腳不是屬於自己的, 仲辛苦過爬石!!

因此, 今夜東主有難, 休息一晚, 不作任何動作及工作.

疲勞過度

昨天, 一早要開班, 9 時便要去到順利村運動場, 好在這班只是上午.
因為傷風未清, 公司因裝修又要執拾, 晚上又不停咳, 幾晚都睡得不好, 所以下午上堂時打了睏睡, 有點不好意思, 但睡魔急call, 在地龍上還差些睡了在一個陌生麻甩膊上, 好在....唉!沒辦法, 實在太累了!!

有很多很多的事還未完成, report、論文及公司的工作.

我英文又不好, 電子辭典又壞了, 放學後用了一仟大元買了一部新的, 很肉痛, 鬼叫以前唔比心機讀書咩!'書到用時荒恨少' 晚上回到家, 煮了通心粉吃便開工.

我很喜歡煮食, 每晚都會自己買餸煮, 不喜歡出外食, 朋友們常常都問我, 一條友在家吃都有樂趣嗎? 為何不在外吃? 唔知呢! 我很喜歡煮食那種樂趣, 也喜歡人家欣賞我的製成品的感覺, 但一個人時, 真是有點孤掌難鳴, '品嚐' 此終都是集體行動開心些.

晚上發了一個很怪又很真實的夢, 夢裡是我突然無端端踩住兩塊百潔布起飛(重要係有海綿果種, 吹脹), 一路飛一路去揾返屋企o既路, 眼看到家近在咫尺, 但怎樣都不能到達, 還越飛越遠, 飛簷走壁去到一處山頭野領, 看到很多畸形怪狀的山領, 滿佈紙札公仔, 我不停地向一處懸崖飛, 懸崖處有兩個紙札的守衛, 正正我向着他們飛去時, 突然出現一條黑色的隧道把我吸入, 當時那感覺很真實很真實, 我被那黑隧道吸進去時看着山領一路遠離的一刻,突然歸於現實....醒了! 但這夢有莊周夢蝶的感覺.....!!!

黑,嘿!嘿!

黑, 是我的膚色
黑, 是我喜愛的顏色
黑, 是我的遭遇
黑, 是我的回憶

黑, 是白的死敵
黑, 是壞的訊息
黑, 是死亡前夕
黑, 是神秘魅力

黑, 人為何受歧視, 奴隸生涯悲慘路
黑, 人為何運動好, 是否因為生得高
黑, 人為何會鬈毛, 佢地老家高溫度
黑, 人為何遭利用, 比人用來出牙膏

'黑' 是有好有唔好, 芝麻糊襯芝麻糕!! 好味!

真無聊...

馬拉松

嘩!我真係好開心!


上年因手術後未復原,所以放棄了.今年的成績比前年更好, 好開心!
唔知點解好似食左'c'咁, 一條氣扯到12k先回氣, 第一年只是8k就開始行, 今次如果唔係排隊去厠所, 成績更好, 但是唔得, 因我好急, 但我都好滿足, 無練過下有這成績.

泰國略影

泰國略影