第三者

星期二與泊來品去左大澳食飯, 有些'人鬼殊途'的感覺, 之後坐東涌線回家時於車廂, 看見一對痴男怨女, 憑他們的閃閃發光婚介判斷, 應該是去完日本 honey moon 完回歸的鴛鴦.
在車上, 怨女因不停做出一些要令到痴男注意的動作, 所以很觸目, 佢又挨又笨又撩他頭髮又撩耳仔又摸大肶, 掙在未同佢撩鼻屎咋, 嘩!如果真係就好睇呀! 我諗我同全車人都想睇呀! 果隻痴男好似比人點左穴, 十足一隻獅身人面像咁唔旭, 只得兩隻手指o向度有所動作, 此動作只集中於第三者身上, 那怨女眼見痴男已給這第三者俘虜了, 而氣得面紅耳綠, 兩眼反白, 鼻噴黑煙, 正在開始口吐白沬之際, 痴男終於醒覺, 亦暫時卸下第三者, 來慰問番將近兩腳一伸的元配, 怨女以亞大o既氣勢怒啤第三者, 然後再啤住痴男講左一句 '你捨得熄機未呀'.

新婚妻子還不及一部 'PSP'.

分秒必爭

家o下天寒地涷最好就係臨瞓前沖返個熱水涼, 但我家的牛肺電熱水爐容量只得1.5L, 每次都要同佢分秒必爭咁鬥快, 一個牛肺有齊桑拿o既feel, 熱水未享受過就即刻要迎戰冰凍泠水o既入侵, 嘩!果種冰火感覺.....真係...好似BB 好enjo 咁嘆緊枝奶, 突然比人一手蚊左, 然後換左枝水比佢飲一樣...bb 心裡都暗講一句...我頂!快 d 比番枝奶我...

快 d 比多 d 熱水我...頂!

有病呻吟

打敗仗了!!!

皮膚敏感

曾已何時, 皮膚變了敏感, 由其是對膠布, 家o下睇到腳的藥水膠布位置全都是水泡,就記得多年前大手術之後, 還不知對某種膠布有敏感反應, 傷口貼着的膠布位置, 開始痕癢之後起水泡, 護士幫我洗傷口時也慘不忍睹, 傷口不停滲血, 水泡因抓穿到至一禤胡胡塗, 她幫我尋求一種對我不敏感的膠布, 我好thanks佢!!
亦有一次因行山給不知名的昆蟲kiss左之後有反應, 整隻右腳腫起來, 即刻去急症室入院, 那醫生未經測試就同我拍左兩支'盤尼西林'. 結果......幾乎死! 我全身腫脹, 呼吸困難, 成team 醫生落晒來, 他們比抗敏感藥我食, 點知.......我連抗敏感藥都敏感, 我當時成個豬頭咁, 我唔係講笑, 真係好似豬頭, 佢地再唔敢比藥我食, 我o向醫院足足3個星期, 也等不到敏感蹟像消除之後我自己要求出院, 那時我足足一年無着裙同短褲, 因'盤尼西林'影響, 全身都是黑印, 差不多兩年先可見人.

一些經歷對我來講, 亦是經驗.

死!!對我是一種抽獎遊戲!

用一口氣, 爭一口飯

看見南韓農民用血肉身軀向 WTO 的不公平交易作出抗爭, 很感動亦有衝動與他同行, 不公平為何永遠都是發生於不富身上, 用勞力賺取應有的利潤有何不妥? 自給自足有何不對? 雙手創造命運何罪之有? 美國就好像黃蟲一樣, 鳩佔鵲巢, 為了利益不顧其他, 這個世界因她已變成貧者越貧, 富者越富, 令依靠魚農產品於本國或出口賺取金錢來支持民生及生活的人永無返身之日, 南韓農民有850萬, 比香港總人口還要多, 另外菲律賓, 南亞, 非洲, 還有我們的袓國及其他窮國的農民, 漁民等都因這個農民劊子手而繼續步向自我滅亡, 很悲! 他們寧願自殺取刀一快, 好過無奈無助等餓死.

W.T.O??

'Whimsical Talk Outrageous'

我認為WTO係咁譯先啱!

等價交易

現在年青人對性智識貧乏, 往往都是因父母認為尷尬, 而不會正面向仔女灌輸有關智識, 只懂說讀書時不可拍拖, 不可與異性有親密行為, 但全都以學業為先出發, 謝絕承認他們已經進入青春期時對性的好奇及衝動, 就算連教他們用避孕套這基本智識都不會提, 孩子的無知, 父母的愚見, 發生事後只顧責怪, 所以導致悲劇發生, 讀書幾叻都無用, 一個避孕套只是十元八塊, 兩屍三命比起十元八塊的交易代價實在太大太大, 到今日仍然有耿耿於懷的感覺, 希望各家長可在這次悲劇後, 好好反省及改變一些古老思想.

早熟的心痛

昨日下午從收音機聽到一對學生小情人攜手雙雙跳樓輕生, 很震驚! 那時心的感覺很痛好像是自己孩子發生事一樣, 痛在他們有勇氣了結生命而沒有勇氣逃避死亡, 痛在他們不懂得互相珍惜對方, 痛在他們沒有面對將來的希望.

少年在十三四歲時, 生理成熟但心理是未成熟, 很多時都會對異性產生好奇, 自己孩子也有此問題, 我是抱開放態度對他們說: 「戀愛每個人都會經歷, 無論暗戀, 明戀, 單戀及相戀, 如果你是想對方好的話, 不是在於現時的陶醉, 你一定要想將來, 因一子錯滿盤皆落索, 對異產生慾是正常的事(由其是男孩), 但一定要安全, 若是一但有意外就必定要承擔, 不可逃避, 因為係牽涉到另外一條生命, 而且雙方前途也是重要, 可能要停學提早出社會工作養家, 又因沒有學歷關係, 一個只能做很低微工作收取低微人工來養家, 另一個連世面都未見過就要做湊仔婆, 比人叫師奶, 而且你兩個漸漸會唔奮氣, 因strip左年青人應有的青春快樂愛玩的過程, 若其中一方抵擋不住外面世界要變的話, 問題就更加大, 所以要拍拖的話, 我冇得唔贊成, 因選擇的不是我, 但一定要盡量想想現在, 想想將來, '不要因早熟而要迫自己成熟', 愛情是一樣無型態東西, 可殺人於無形之中, 亦可令人樂在其中.」

以下是為兩小無猜送上最後的:

耶和華是我的牧者, 我必不至缺乏. 他使我躺臥在青草湖地上, 領我在可安歇的水邊. 他使我的靈魂甦醒, 為自己的名引導我走義路. 我雖然行過死蔭的幽谷, 也不怕遭害. 因為你與我同在. 你的杖, 你的竿, 都安慰我. 在我敵人面前, 你為我擺設筵席. 你用油膏了我的頭, 使我的福杯滿溢. 我一生一世必有恩惠慈愛隨着我. 我且要住在耶和華的殿中, 直到永遠。 阿門

詩篇二十三篇

願兩小孩在主懷裡安息!!

黃面婆

我對八卦雜誌的封面越來越似色情刊物好反感, 通街都係黃色封面婆娘, 那些婆娘做出各式各樣高難度舖屎, 計有搔首弄姿顯波la, 谷波氣功放飛釘, 虎背熊腰雞飽仔, 排骨硬板掛矽膠, 短裙詐帝露雞籠...等等慘不忍睹的獻世武功及武器, 有次買一本雜誌時都叫ah姐比個膠袋將個封面反轉入, 行出街不想比 d 細o既睇到, 好驚!!

蘑菇雲

星期六, 亞仔生日, 所以連學都唔返, 同佢搞過打邊爐生日派對, 雖然只得我地3仔那, 大家都好開心!

但最唔開心係個大仔一見我就話 '掃把頭', 另一個就話:亞媽你做咩將舊蘑菇雲keep左上頭度?

佢地一路食一路笑, 我就一路食一路黑晒口面, 所以決定今日要出秘密武器, 就係'直髮膏'

火山爆發

今日好激, 走左去個friend間saloon度炸左個頭, 有如火山爆發中, remark: 係火山爆發中, 個頭足足大左兩倍, 如果有架紙飛機路過時唔小心炒左入去插住左, 係跑完半馬都一定唔會跌出來hahaha...

家o下睇落有六成似'殘酷一叮'o既喬寶寶, 有八成似'爆炸猛男PHD', 有九成似'絕世好賓'O既梁詠琪, 但睇落係十足似'齊顛大聖'O既亞sa....唔錯....I like....haha...

但一睇到個影之後, 感覺更似聖誕樹..心中嚴肅地奏起....we wish you are merry christmas, we wish you are merry...christmas...and ...happy new year..

彌月之喜

好o野! 山路 blog blog 滿月喇! 要自隊一支大啤來賀o下先.....

好開心有這個無言空間來舒緩o下一些感受, 有時不懂用言語表達的, 現在可用文字, 但可惜我不懂文字上的修飾, 文筆太差了, 希望寫下去可以好些啦!

飲勝!

祝
快高長大