'C' 奶說

地星上有一雞形地,
此地有一過氣殖民島,
島上形容已婚產子後的女子為 '師奶',
俗世稱號, 從何而來?
正確寫法, 從何而致?
真的是'師奶'?
'C'奶'? '思奶'? '厮奶'? '施奶'? see-lion? '屍奶'?

若是'師'奶
是否謂女老師的奶,
老師常常教導我們應尊師重道,
若是, 在教授時,
男同學 - 眼光應聚焦在那點?
每眼mark死一點之後,
是否自動對焦, 跟着4倍變焦,
由皇帝蕉變成大蕉?

若是'C'奶
'C' Cup的奶
一個男人一手無法掌握的,
好明顯字面上已有理想答案,
實際上好多時都是多於想像.

若是'思'奶
B B 對媽媽人奶'多多無憂'的情懷,
男人對女人大奶'思思解bra扣'的思想敗壞.

若是'厮'奶
女人生產後, 因敵不過生理變化,
奶, 漸變成雙皮奶或是三皮最壤是四皮,
像厮破的奶茶袋.

若是'施'奶
每個男人的夢想,
對奶的好奇,愛好,
正常的,會施展'渾身解數',
變態的,會施暴.

若是 'see-lion'
oh! I love it!
so lovely, so cute啊!
海獅'威威' 我好鍾意你呀!
but...你老婆的身材若是海獅'威威' 呢?
oh!NO!

若是'屍'奶
即是死掉的奶,
男人不會因她的死, 而去懷念,
反而急不及待地極速'去舊立新',
趣緻的男人有着夢幻式的渴求,
女人keep住她的奶與男人自己的奶樽,
都是永遠脹卜卜 '常滿'.

所以'師奶'? 'C'奶'? '思奶'? '厮奶'? '施奶'? 'see-lion'?及'屍奶'?
都是以'奶'做胆, 目標一致.

咩人尼架??

大前日終於忍無可忍, 同老細o既細細佬炒大獲, 全公司無人敢搭咀(包括我老頂).

事原係佢常以大聲就係啱o既道理來兇我,

我有道理, 所以我從來無御過佢,

大聲唔等於係啱, 佢次次都要人地做晒如佢所意的事,

一唔啱佢o既 channel 就即時青根暴現,

包公上面, 兇狠眼光, 強征厲字去迫對方硬食佢所認為,

最常用及最慶一句就係 '我話比你聽, 你一定係錯囉!'

嘩! 咩人尼架? 一唔究講就口出狂言,

真係我老板 ar...,

當天他終於對我發出此信息,

接收後我o既內置 hard disk 即時啟動本人珍藏多年的粗口寶鑑06更新版,

真係想講 'x 你老味, 食 x 自己, 滘唔 x 掂, 返屋企 x.',

不過我無! 只係好泠靜咁回應左 '你真係咁肯定你無錯?',

佢當唐不知如何反駁, 我無好開心駁贏, 只覺經過今次後, 日後日子要好小心...

殺它死

今早, 是它存在於這個世界的最後一個早上,
下午, 我要親手將它交予專人, 幹掉!!
捨不得, 但畢竟年紀大了,
五臟六腑, 都 七癆八損,
四肢亦因長期勞損的關係, 當走在水路上時也是飄飄然,
我與它一起時也覺危險, 有隨時會跟它同歸於盡的感覺,
曾經問過醫生, 若要醫的話, 要花上很大筆醫藥費之外,
亦未必可以起死回生, 無奈 我選擇了把它人道毀滅.

看着它的樣子也是很不想離我已去,
但.....好唔捨得, 真的好唔捨得,
當決定把它送上不歸路之前, 本想跟它來一個道別的 bath,
可惜我, 此終沒做到, 有點後悔,
一路上, 它與我, 大家都默默無言, 這次是最後的親密接觸....

世上任何生死物都是逃不過隨隨老去這定律,
下午心中一直耿耿於懷, 腦海不時浮現它的樣子,
唉! 永別了'KE 4189'.

你用你的身體換了七舊水.

頓悟

前陣跟幾個朋友一起談天時, 各人都說出一些經歷, 其中一位朋友說她的經歷是令人心痛, 她與另一半於三年前的一個早上, 他倆與幾個朋友一起去大浪灣, 但他突然一聲不響地意外去了, 她當時只得廿四歲, 與另一半已八年, 在計劃結婚中, 意外發生後, 朋友紛紛安慰, 支持, 但她只覺得朋友們沒有一個了解她所受的痛苦, 所以連朋友都不見, 佢足足收埋左自已三年, 直至上年家人勸她去旅遊散散心, 她就在外地認識了一位中年婦人, 她看出朋友不開心, 朋友亦將經歷跟她分享, 她們傾訴了八小時, 婦人細心聆聽後, 給朋友分析時講了一句 'Let it gone', 朋友聽後像如夢初醒, 回來後她已是兩個人似的, 她不再收埋自己, 因她已如釋重負.

那句 'Let it gone', 也好像對我當頭棒喝, 再加上今晚在堂上給老師一句 '煩惱皆因執著' 我突然完全醒悟, 已執著了四年, 因執著所以我痛苦, 我痛苦因我從來沒有釋放對兇手的仇恨, 我覺得好累, 一些事走了就由它走吧!

'LET IT GONE'!!

你得五得

中國人有句：「一命二運三風水、四積恩德五食煙(呀!係五讀書).」對我來講覺得就算無左其中一樣都唔會有咩問題.

我認為做人有以下五得比任何都重要：食得、瞓得、痾得、行得同埋走得, 是但一樣唔如意都幾煩, 由其是瞓得同痾的, 即係失眠同便秘, 這兩個小小的大問題, 長期令人頭痛, 怎至自殺, 唔係講笑架.

失眠會令人情緒低落, 唔究瞓會導致肝火上升繼而脾氣暴躁, (暴躁會好容易失去理性), 黑眼圈驟然變成墨鏡, 心神彷彿整日遊着魂, 夜晚鬼打咁精神, 日頭神打咁迷茫, 最終會因長期失眠步向抑鬱而演變成精神病.

另外便秘, 痾唔出係人間十大慘事排第一位, 因為有時失眠係因為痾唔出導致, 你明知成肚都滿晒, 但茂左o向度一粒鐘, 佢都唔肯出來, d 野係自己o既, 但唔知點解控制唔到佢有如山泥傾瀉的步驟, 便秘會造成口臭、痾血、痔瘡同埋失眠, 而失眠所引起的可回故以上...
市面上果 d 標榜排毒的痾 'C' 成藥, 美化成什麼'排顏美毒寶'、'助助廋荷包茶'、'消錢丸'等等, 鬼咁多人買, 就知幾重要, 真係笑死我, 幾佰銀買樽痾 'C' 藥, 真係好 on 居.

全世界有好多人都好有錢但係失眠, 有人有好多女或者好多仔但便秘, 如果佢地又有錢又多女或仔, 但佢有齊便秘同失眠O既話, 係有幾多身外物都無用, 身內物先屬於自己, 所以這看來很普通的小事, 如果一世到尾都 keep住以上五得, 真係前生修來, 今世受.

06 願望

概念上 2006 顯現出來, 年復年, 日復日, 沒什麼特別, 有些問題我由細到大都在找答案, 點解我地要跟人? 是誰定一年係365日架, 點解我地又要跟住咁無聊o既限制? 我覺得每天都是一樣無咩特別, 又唔知邊位定左一日係有24小時, 點解唔係齊頭20小時又或者30小時?

說起願望, 群眾力量是最大的, 但點解90%o既人都是許世界和平的願望, 但咁多年都無實現過? 又有些人的願望是中六合彩, 但都是貢獻多得着小, 馬會從來不會許這願望, 不過最應現的就係佢.

這些假象都只是有藉口許所謂的願望(自欺欺人動作), 但每有一個願望就會有失望的來臨(面對真正現實), 不過有時自欺欺人都幾開心!

咁我o既願望就係尚在趟血的傷口快些痊癒, 好人一定得到好報, 衰人一定得到雙倍報應, 各人身體健康(except 衰人), 世畀和平, 心想事成(其實心理想事成都幾恐怖, 即係心想某君快d死, 點知實現左, 你話應該點反應嗎?)哈哈....但如果心想中六合彩o既話又點睇??