人山人海?

12月4日起義大遊行是否會再人山人海??

我不懂政治, 在香港的政治, 無論保皇、民主、泛民主或親中都覺得佢地人前人後幾個樣, '好假', 有如四川特技'快速變面'一樣, 轉一轉頭就變成所需要的面孔, 人面的變化太快了, 以上是我第一直覺.

7.1 遊行有傳是葉劉的計劃, 因她作為局內人所以不能高調呼籲反23, 所以用激仗法去說一些挑釁人群反感心態的說話來激發上街表達意見, 如果是屬實, 她真是用心良苦, 起碼她真是自己用回香港人的力量做法去做到, 不假借外國力量.

近幾天聽到那些官及各派系的言論, 感覺似惠康百佳、萬靈屈人錢之爭(鬥爭客,精明眼對至底價)好商業化, 民眾變成籌碼棋子, 更有些過時人民派去到老遠的美國去爭取人家產品代理權, 老實說, 我對美國佬不嬲都冇好感, 由其是由當代飯桶 'Bull Shit' 領導, 更加弊加火, 佢完全係好自我自閉式咁去做佢自已想做的事, 在報復及被報復佢老爹遺留下的蘇州'C', 累及無數國民及人家國內的無辜, 做事只顧自己的利益, 有 so 就有 show, 無 so 就要你 go, 知道 '孖田李' 又走左過去 '銷訴薄'(銷售香港民主訴求的帳簿)後, 今次我感覺唔知點解覺得好肉酸, 可能佢地仲唔明白, 而家中國唔會無左美國唔得, 但美國家o下已經係要睇中國做頭, 每朝早一開眼世界仍然都是依舊轉, 但世事就每秒不停變了.

這次用扯線公仔玩隔山打牛的遊戲, 唔啱我.

流浮山

今晚和三五知己去了流浮山食海鮮, 雖然是香港人, 但以前從未到過此地方, 由家中出發大約要一個多鐘, 交通比較轉接, 路上一直都是很偏僻, 車路很窄很暗, 沒想像過流浮山是怎樣的地方, 一直都以為只係得蠔, 熬了兩輪巴士, 一落車就覺得滿街都是人, 小販同埋好多香港自由行, 覺得有點像大陸, 與朋友會合後到了一間海鮮酒家, 那時感覺這地方跟鯉魚門好相似, 但食物水準也不錯, 不是很貴, 比起西貢及鯉魚門便宜, 八個人埋單盛惠$1,600元, 已經有一條斤幾重的大油斑、薑葱蠔、酥炸蠔、豉汁蟶子、豉椒炒大白蜆、蒜蓉蒸象拔蚌仔、椒鹽巨瀨尿蝦、白灼生海蝦、油鹽水新界菜芯、蒜蓉炒芥蘭還有事頭婆炒麵, 起碼食完後唔覺得一頸血, 飽飽後順道遊覽那條小小街, 那兒當地特產不只是蠔士, 還有很多不同種類的海味, 有一樣特產跟鯉魚門很似的就是琥珀合桃, 我也買了一磅, 這裡亦有自家製的麥芽糖, 想起小時侯的街邊小食 '麥芽糖夾芝麻餠' , 好正! 我們一直行到去海邊蠔田, 由於天黑加上水脹的關係, 所以只是看到若隱若現的外貌, 如果黃昏到來看日落的景色應該很迷人啊!

山思思, 有件事話理知

心思思, 有件事話你知!
以上耳熟能詳的一句標語大家應該都聽過, 而標語係想表達男女對性的好奇.
對於少年15二十時來講是一件好奇的事, 但對於形容看己為塌皮腸粉的邊緣中年, 兼且已有性經驗的(可能從沒享受過性趣)可憐人來說, 喂! 你家o下年紀都唔細啦! 真係要下刪三千字.......然後補一句, 有冇九兩菜呀!

「失業哲學家」以探索各方對倫理看法認知為名, 寫出幾篇幾乎連骨髓都可見的言論, 連日來處於高溫境界, 仍然有一定的支持者回應, 但我以女性直覺的角度睇那些文章, 初時會覺得氣結, 泠靜去細味之後, 人家回應已15段, 但佢都未必回應一段, 我好肯定佢一定係一路睇一路笑, 而感覺上是完完全全將女性醜化為一部sex machine, 功能只是要即時解決佢係對女性又愛又恨, otherwise 可能係男性的後庭, only for his sperｍ to set free, haha....ha...好一個完全被liquid control o既 x , I'm sorry for my so direct, 從文章裏看得出佢曾經受過很大的傷害, 對女性憎恨存有一定的程度,係一種自悲又想自大的心態, 佢想要捉到人於獸性與理性之間的茅盾, 但不要忘記你永永遠遠都係只可站o向人的覺度看, 而他的比喻形容每一句都是睇穿女性的死穴, 文章裏的女性已變成utilitarianism.

其實在我角度來看, 男性也是蠻可憐地盲目對洞的瘋狂, 對洞鍾愛, 對洞的迷戀, 所以大部份愛上 Glof 的男性都是要一杆入洞時的快感來平均心理. 好可悲, O 可以control一個男人的命運、情緒, 思維等....


恕我直言, 不懂修飾!!

秋嗚山

屋後山上的樹林比食環處人員斬左七七八八, 因防止山火發生, 一旦發生我肯定變左 '火燒山'.
我非常喜歡秋天, 由其我居於山中, 更加喜歡聽秋風吹起樹林的清翠聲音, 因天氣乾燥的關係, 聽起來好爽, 樹木的氣味好香, 滿山都好似好開心唱歌慶祝秋天到, 我從小到大, 都聞到每個季節來臨的氣味, 春、夏、秋、冬, 各有各的獨特氣味, 但一聞到秋的氣味時, 我整個人就會代入番學生時期, 天天都像學校旅行和宿營的感覺, 好開心到家o下咁年紀大, 每年一到秋天都仍然有此感覺.

獨愛秋色爽脆聲, 秋風山嗚樹叢迎.

山死有命

面對死亡那一刻, 個腦係空白, 我曾經經歷過踏足死亡邊緣, 炒車同病.
先講炒車: 第一次炒車係o向紅磡火車站同理工尖東交界(暢運道), 我揸住架jeep, 燈位路口等轉燈開車, 一波無事但一轉二波時架車開始失控, 不受控制咁打斜滑行, 當時我只見好多人o向安全島, 我本能叫我一定唔可以鏟過去, 我要保持清醒, 電光火石之間, 我見到前面係架旅遊巴, 當時我個腦係空白, 諗住今次死緊, 當我炒埋去時, 係100%空白, 我將旅遊巴車身的鉄皮炒起左, 我因為係jeep 綱水有番咁上下, 只是車頭有少許損傷, 但我o向一塊大路牌之中間炒左上行人路, 如果炒埋個路牌度, 就百佳, 好在! 嚇死我.
第二次: 改裝萬事得austina, 西貢住啟德機場, 路經沙田新城市廣場pizza hut手臂灣, 我當時懶醒, 試o下天雨路滑加油過手臂灣, 點知今次'惠康', 架車不停打白鴿轉, 我完完全全felt 飄移感覺(但自從果次,我已掌握倒飄移ha.ha..但一定唔會試第二次), 當時不停要control 令佢唔好炒, 因為我重要趕住搭飛機, 一定唔可以有事, 架車打斜一路向住行人路衝, 車身重向棵樹攔腰撞埋去, 好驚!! 今次一定玩完, 個腦突然諗起有人話過撞車時, 以為係踩住brake, 原來係踩油門, 那時我即刻望o下自己隻腳係踩住嘜, 嘩! 原來真係踩住個油門, 我即刻踩番個brake, 車停了, 嚇到隔離個的士佬, 目瞪口呆, 結果唔識死, 炒完車之後, 仲究膽死再揸架車去機場, 去到機場先識驚, 喊左出來, 之後仍然繼續去玩...

山生有幸

那論題仍鬧得熱烘烘, 有點厭, 一個雞同雞蛋的問題, 對我來講己再沒什麼見解, 因局外與局內看法都不同.
'生死愛慾' 係比較鍾意 '生死' 的感覺乾淨明快, 兩個程序都是一剎那, 出生前同死後都是平靜.
而 '愛慾' 比我的感覺是好亂, 但牠亦是生命的來源!
我有幸經歷過生命於我體內由冇變有, 生命真是很神奇, 當知道有另外一生命在肚裏面, 初時好迷茫,但看到肚皮由平靜到起伏, 兩個人的心跳連在一起, 感覺他每天都有自己喜愛的活動, feel到他的腳趾不停在撐我的肚, 有時我會擺個鐘o向肚皮暗佢瞓覺, 有時就收音機, 比佢聽歌, 到個肚大到連自己的腳趾已經看不到, 覺得好過引, 而生產的日子一天一天迫近, 好心急去等待又熟悉既陌生的小生命來臨, 當我第一眼見到他時, 我居然沒有什麼開心的反應, 只知好肚餓好肚餓, 最好有盒熱辣辣叉燒飯, 因我用盡成身氣力去帶他來這個世界, 那時心裏暗講一句 'well-done', 從此世界就改變左.
還記得生完後, 再重見我的腳趾時, 大家好似仿如隔世再重聚, 我真係同佢say hello 架, 咁耐冇見!

而我亦曾經接近死亡邊緣......因明早要好早起身, 所以待續.....

山山性性之二

近日於某一個blog討論有關男「性」對'陰道'崇拜的問題, 有些感觸, 結論是在乎於視覺而不是感覺,人的生理結構真是很奇怪, 「性」和「愛」不能混為一談是事實, 也不需將問題複雜化, 男人興奮就想造愛, 男人有新鮮感, 就會興奮, 同一個人在不同的環境進行角式扮演既話, 只要對方覺得有新鮮感, 就會'一柱擎天', 交配就會水到渠成. 哈哈..
男性真是一種很原始而又可愛的生物, 對我來講又愛又恨, 愛是看到他們敵不過視覺引起「性」衝動時被不隨意肌完全控制, 恨是他們可以隨時隨地進行交配, 女人也是一個很茅盾的生物, 成世人就是為異性而要keep住自己係最fit狀況, 有好有唔好啦! 大家都是長期處於求偶狀態.

山山性性

現今一般人對「性」與「愛」的態度都是「性」為先,「愛」殿後, 可能我思想古舊啦, 對以上兩種本來是有關係性質的概念一直keep住, 原來開眼看世界時, 方知世界變, 「性」與「愛」原來早早分了家.
男的對已失去新鮮感而又無性吸引卻陪他走了半生的女伴, 因再產生不到性幻想及衝動, 而自私地去作「地下式」滿足自己, 如果他handle好些, 令另一半一直蒙在鼓裡的話, 可能婚姻更加長久, 因做錯事的人, 通常都會內疚, 回家便會對她更加好, 甚至有些女人明知道都不會作聲, 因她「愛」他, 不想離開, 所以默許, 另一個角度看, 這都可能是好事.
相反女性對以上所經歷比較撇脫, 女性一旦對其他的男性有了愛或性關係, 大多都會決絕地離開現在的另一半, 可能覺得對伴侶唔住, 內疚因而離開, 也可能因一心不可二用.
男女生理同心理的結構都唔同, 取捨態度不一樣, 有人話:「男人花心但長情, 女性專一但決絕.」
其實只係我認為變左, 實質可能我是井底之蛙, 有時覺得真是很亂, 「先愛後性」定是「先性後愛」那種可以滿足, 那種會長久, 仰或現代人根本就是只在乎「性」滿足呢?

待續........

說山道死(下)

死前的恐懼可能來自:捨不得離開親友、留戀將失去的所有、病痛、肉體痛苦折磨以及最重要的是唔知死後去向, 老實說死後究竟係咪真係有去向呢? 去向是有一個目的地概念, 對在生的人來講無論怎樣無目標、無去向, 但我們腳底踏住的, 都是感覺到實實淨淨的實體, 也屬於一個目標去向, 堂上講到莊子說: 人是一團氣體, 死後更從肉體衝出, 與周圍的大氣環境融合, 就好像小雨點落在大海一樣, 不會有樣貌, 不會有形狀, 不會有你我的, 它們充滿了我們有肉體及質感空間周圍裡. 曾經有說人死之後身體即輕了21克, 如果人死後屍體輕了21克, 那21克是否就是莊子所說的'氣'呢??

說山道死 (上)

今晚上堂講的topic是有關如何面對死亡及死亡前的痛苦。
每個人係唔知死左之後究竟去邊, 無人能知, 就算曾經有死過翻生的人所講的過程, 我認為唔係真實, 可能只是一些由本身所信仰的宗教之中產生出來的幻覺, 又或麻醉藥及當時腦部受重創後昏迷時處於夢境中及其他由大腦所做成的因素, 種種猜測都是未知真確, 就是因為未知所以恐懼, 好像自己突然處於一個伸手不見五指亦全無光的陌生地方感覺, 至於有信仰的人面對死亡會比較有樂觀態度, 是因為宗教裡會告訴人們死後會去到其所信仰的神那裡, 而任何教會(基督教,天主教,佛教等等)都會向教友信徒說牠們存在的另外一個美好世界, 心理會令人安心及知道自己死後將有落腳點, 這是一種有答案的死亡心理。 而死前恐懼就比較真實, 因為大家未死之前仍有感覺, 懂得捨不得而來的痛苦。
眼瞓......下回再續.....
今晚見到 '頭文十字車' 問你死未!!

山口白胃

尋日我學人飲齋啡全走, 飲到成日都o向度發緊白日夢咁o既模樣,嘩! 好辛苦, 個胃又痛, 好在ru媽做左 d 美味蛋糕仔, 食左幾舊之後先好 d , 不過個胃同個頭就痛到夜晚要食必利痛先可以瞓得着, 到今朝都未回復, 下次咪搞, 因睇左本雜誌話齋啡有10樣好處, 又話防癌, 又話去水腫, 各樣各樣,仲話排毒tim, 點知飲完個肚係有痛呀!但 X 唔出 -_-!! 我頂!!

致山死地而後生

其實我讀呢個course, 都係想自己諗野闊 D 來改變本身的想法, 唔好咁極端同想條氣快d 順番晒, 好在自細就有天跌落o黎當被冚o既性格打底, 但都比呢件事打沉左一半. 做人都係想開心, 如果唔開心, 人都老得快d同埋好快死, 我唔想咁快老, 所以要開心, 亦都唔想咁快死, 我都仲未飲新抱茶, 而朋友個個都咁好, 由其果陣發生事時, 就算半夜瞓唔着打電話比佢地, 都唔介意聽我傾訢我內心不快, 我會銘記在心.

走出幽谷見青翠, 遠眺無際自陶醉.

山語欲來

朋友 T 提到 '愛' 基本'本質'的應該是:
愛是包容與體諒,
愛是奉獻, 承諾, 關懷什至成全他人,
愛不存在自私, 貪欲, 傷害,

其實每一對情侶一開始發展時都知道及希望做到這些:愛是包容與體諒,
愛是奉獻, 承諾, 關懷甚至成全他人,
愛不存在自私, 貪欲, 傷害.....

可惜當其中單一方面要變時, 他/她/自己就好懂得利用本來愛不存在的自私, 貪欲, 傷害,來要你做到以上愛本來應存在的, 愛是包容(他/她/自己的傷害)與體諒(他/她/自己要飛你)去迫對方奉獻你所對佢, 承諾, 關懷甚至成全他人, 來達到他/她/自己要一定要飛你的目的, 其藉口就相繼出現, 例如: 性格不合, 對住你好辛苦, 相處唔到, 你都唔明我, 最驚你唔死果句就係 '我再唔愛你喇, 以前同你講o既野全部都係呃你, 今日同你講分手呢句就係真o既, 仲有我以前講大話之後, 便會再講大話去冚住之前果個, 你咁蠢, 咁都信',問你聽完呢 d 說話死未? 其實好茅盾, 無論怎樣都難明那些曾經深愛過對方的人,也曾經是自己身邊最親密人的做法, 有些本未倒置,哈!

愛與恨分擔方程式如下:

幸福快樂 x 2 = 100%(好開心), 但將50%痛苦創傷 x 2= 100%就要被棄者自己揹晒, 而另外一個就契弟走得麼, 走得快 好世界!

愛時幸福快樂兩分擔, 恨時痛苦創傷獨承擔.

山地舞

今晚上堂時miss問我地有無時間返埋星期日果堂,因排那隻舞是用來參加明年的比賽,聽後都感興趣, 可惜是星期日上堂, 那就要再考慮上堂的時間,下午4:30 不是太好,有一陣子都試過返星期日堂,好像成日就係等返學,那裡都去不到,'好on居',每星期只有一天真正假期,好想與家人朋友聚會,或做一些自己想做東西, 星期一至五都做到氣咳同煙到ah媽都唔應得,難得一日好假期,真想去行o下山,吸一口略帶新鮮牛屎味的新鮮空氣,但我又好想去跳舞喎,ah.....ah...真係魚與熊掌, 點算呢?

另外,我今日居然見到 '頭文字'的' 連的士ah叔都拓住個鰓...oh my GOD!

山車簡出

昨日忙了一天, 回到家時已是零晨, 因架錢漆出左問題, 所以放工放學後才維修, 不過我發覺近來在馬路上睇到好多人扮 '拓海' 左手揸呔右手拓鰓, '頭文字'D'?? 但.......我所見全部都係 ah 叔(邊緣中年)而且......略帶麻甩 , 赫到我幾乎炒, 好驚!! , 我諗佢地o向果一刻完全陶醉於 '拓鰓' 呀唔係!係麻甩'拓海' 揸住AE86之中, 好想笑..哈哈....哈!! 不過如果佢地可以兩隻手都拓住個鰓而又揸到架車, 先'堅'仲好型tim.
願我不要再遇到 頭文字 'ah 叔', 阿門!

兇山鈴語

昨晚與兇手'O'通電話直到零晨三點多,我和兇手在電話裏又再炒左一獲,條氣頂住頂到今日都仲chalk住,我即時諗起李惠敏唱的'你沒有好結果' 完全o岩feel, 我一定會等佢有lay一日.....他朝君體也相同.
有些人是有分但EQ低能,讀左咁多書唔代表有品質同有品德, 品德操手完全是零的兇手'O',不是用download返來的知識轉變做一個有道德操手的人,而是靠這些來掩飾傷害人之後的一塊無腦人皮,而無辜被傷得體無完膚的人,繼續不停被補刀,更被兇手本末倒置地說他自己才是受害人.....
'善惡混蛋,同一人只惡不善'

回應山

好朋友,看到你的回應,好感動地流下了淚,但不用難過, 我只想抒發一o下這些年來的一些經歷,有些時候跌得多就習慣,痛的地方都已經麻痺了,所以我從來都無放棄過, 反而仲覺得人生多采多姿,只不過係唔同形式與大多數人的平穩過度不同, 我覺得我活到而家就好似打game咁刺激,遇難越難, 一定要過到版去下一個round, 現在路上真係有好多好似你的好朋友在扶持,我還記得當初想離婚時,因我不愛說話,所以婚姻有問題都不敢對任何人說出半句,長期抑壓着,到真的忍無可忍要離婚時,卻得不到家人及當時的朋友支持,所以我兩星期內急15廋磅,由120磅廋到得105磅,那時候我有個好耐無見的舊同學忽然打電話比我問好,她從我對話當中聽出我有事發生,她不停追問,我死都唔肯講,但她的一句說話令我改變了,她說:「你咁樣鬱住會好辛苦,自己係唔可以去解決一些自己根本唔可以解決o既問題,一定要搵人去分担、分析同分憂,如果唔係就會自問自答好快會痴線.」我聽後就全部一字不漏通通講出來,那時我真的覺得好舒服,如釋重負地放鬆晒, 真係好後悔當初無將自己的不快,事先與朋友家人分享,因我當時認為如果在佢地面前說不如意,一旦將來他與他們見面時會很尴尬,由其是屋企人.....anyway, 我真係好感激她及來電(因我地十幾年無聯絡)
今天回頭望時抺把汗,好讓年老回憶笑荒唐.

回憶山

有時覺得自己獨處太多年的關係,每一樣野都要自己親力親為......我諗任何一個女人都唔想至少我唔想..........
回憶起當初出走時弱質纖纖,現已經緞練到女人心男人身,由不愛說話到現在滔滔不絕,由萬事不能到而家萬能,由井底之蛙到現在開眼看世界,由身不由己到只有自我,由萬事信賴到每事懷疑(比人呃得多）我覺得好可悲,點解人會利用人與人之間的信賴，由其是感情去挑戰人與人之間的信心,那人將我50%生命取去後還雪上加霜地向我講,我根本就係一個唔想去照顧o既人....我可以點??
總之已經由女人變左做男人啦,
於這１２年可謂經歷了普通人的一生所有有可能會經歷o既際遇，有好有唔好，好的就是身邊人如果發生同樣的事，我可用當事人身份幫佢，但唔好o既就係經歷呢d事時,意志少d會放棄, 有時我都好慶幸我熬過左.
那個女人不想人照顧愛惜,但......

大霧山

每日返到公司都煙霧迷漫 , 我不喜歡也不明這種吸啜虛空, 繼而又吹出空虛的無聊感覺有何快感, 身體已不是好, 但要於工作與身體二擇其一, 真是有些困難, 因工資比外面好, 老板又真是非常好人, 但一想起身體流着的血..紅血球已經是紅萬...而白血球是一D都唔純o既純萬, 就好難抉擇.....無奈

山路

生路歷程,高低起伏,山路難行,此終要行.......