黑眼圈

這個月差不多晚晚都兩點先瞓, 家o下對黑眼圈已經漸變成李小龍式墨鏡, 而且開始有走向天然化的跡象(mood look).
一是做功課, 我由神不滅做到神快滅, 幾經辛苦終於完成交左.
二是因上星期六,日, 個會有比賽要幫手, 做到幾乎連殘餘的一丁點兒'神之存貨'都滅埋,熄左!!
所以再點番着個神之後, 本應開始第二份, 但想抖抖先, 而煲劇就是來放縱自己好方法, 煲的是韓劇'我係金三咰', 這是一齣很不錯的劇, 笑中有淚, 很久都沒有這麼熱幟去煲了, 昨晚煲到三點幾, 四點先瞓, 今日就好似形神兩體各行各路似的.
但.......今晚老虎蟹都要煲埋果幾集, 那管形盡神滅, 油盡燈枯.

山子說:「人之生, 煲劇之聚, 韓日則為生, 眼圈則為黑」

心情‧深情

曾是某些人 曾是某些情,
曾做某些草率決定,
能明白之時 能容納之時,
人人自己各有處境,
同付上感情 情路已單程,
重遇那刻不懂反應,
然後我須假裝如斯的冷靜,
承受這不改的決定.

過去已過 已飄去,
流逝片段總念記,
碰上你 愛戀你,
誰願與我永遠在一起.

如若世上還有 能令我信一個理由,
心灰心死 是等得太久,
輕輕揮手 目光中充塞淚水,
珍惜回味逝去笑聲,
在轉身一刻為你留低心鎖匙.

神滅、神不滅!!

寫寫寫寫......
好攰呀!!
每晚一 may 埋眼就係'神滅、神不滅'、'神滅、神不滅'......
范縝、沈約、子良、呀!係蕭子良,唔係萬子良...慧遠....弘明集..

我o既'神'由不滅, 寫到我o既'神'就快滅.

鄉港人

自從自由行及雙單程證的同胞來之後, 在語言上發生不少笑話.

例如 : 我昨日午飯時在街上, 聽到有位勤奮的新移民正在為產品做promoter, 她用鄉音的廣東話來說 : 「個個用過, 個個震(讚)!」
又一次 : 我在小巴上, 有人上車時對司機說 : 「司機我要墊(轉)車!」
一個用完會震, 另一個, 一上車就要墊住架車.
以上兩個在場經歷, 我都忍唔住當場笑了出來...哈哈...哈!

剛好昨晚在商業 2 台 '他他他, 打到o黎' 的節目上, 講起自由行香港shopping時的一些與sales對話的笑話 :

自由行對豐澤sales問 : '買電視機有無'電視框'呀?'
sales答 : '買電視機係有電視框架.'
自由行 : '咁, '電視框'係幾錢呀?'
sales答 : '無得淨係買電視框喎!要成部買架,小姐.'

自由行去買電話,
自由行 : 請問呢個電話有無'雷電'顯示?
sales : 無呀! 天文台無做呢個服務喎.
自由行 : o下! '雷電' 顯示都無? 咁, 可唔可以 '出煙' 呀?
sales : 正常用就唔會出煙, 如果你燒佢咪出煙囉!

新移民做按摩工作時問客人說 :'先生做唔做'雀仔'(腳底) 按摩呀?' 嘩!好開心呀!

我尋晚臨瞓前好開心, 因笑到連眼淚都出來了.

雖然笑人好似好無禮貌, 但我們說着廣東話式的國語時, 大陸同胞又何常不之幾開心, 例如 : 19歲 講成 '洗腳水', 你有沒有散紙唱, 說成 '你有沒有'生痔瘡'.

電視框=discount
雷電顯示=來電顯示
出煙=trade in

罪人

晚上遇上一件不平則嗚的事,
今晚放工回家途中, 剛啱在斑馬線停低等過馬路時, 突然有位 Osim 遞左張髮型屋優惠單張於我面前, 說了幾句 high speed o既話, 我一句都聽不到她的意思, 只答了她一句 '我唔要喇, 因為我會拋去垃圾桶, 好浪費, 環保嘛!'
點知佢 look 大對眼望住我, 然後開始咒罵我, 說了很多很多不是善意的話, 當時因交通燈未轉, 佢又不停罵, 我已成為眾路人的投射目標, 最後也不等轉燈更衝過馬路, 匆匆走人, Osim 還大聲拋出了一句 '唔通你去買魚, 人地比個膠袋你, 你即刻囉條魚出來, 之後 dum 左個膠袋去牙?? 環保, 環保...成日都話環....', 那時我已忍不了便答了她一句 '我係帶保鮮盒去買魚的', 佢聽了之後, 還罵得更大聲...但我也不再理會她了, 只是覺得當時大家角式位置不同, 所以產生了茅盾, 她的工作是派傳單來糊口, 而我只是不想做我會將它親手拋棄的罪人...之嘛!

好友共聚

今日與青梅竹馬的老友共聚, 我們自小就在屋村長大, 由細玩到大, 很有小時候的感覺, 他們是我的鄰居, 全都是男仔, 家o下已經是麻甩, 那時我是年紀最細又只得我是女仔, 所以在他們之中就好像公主般, 現在大家都各有家室, 他們結婚時, 我是做戥穿石的.

現在反而跟他們的另一半友情更好, 常常一班女人打麻雀, 小孩就埋堆耍樂, 男的就飲酒聊天, 我的酒量都是他們訓練出來, 十多歲時, 看着他們十多人飲上過百支啤酒, 今日大家回想過來也覺得為何可以這樣瘋狂, 說着說着...大家都也笑起來.

還記得以前每個星期日就行山, 大家都沒有波鞋, 只有白飯魚與人字拖, 我當時就只是人字拖一對, 說行就行, 沒planning沒裝備, 攀山越領, 這些都是開心而又深刻的回憶, 老時再聚也回味於心頭.

今日還憶起一件大家都哈哈大笑的回憶, 那時大家都不是富有, 因年紀少又要學人飲早茶, 一天早上, A 叫 B 去飲早茶, 大家都以為對方有錢, 當想埋單時才知大家都是沒錢, 跟住即刻 call 另外一個落去找數, 但那位去到時因肚餓, 又再叫飯食, 食飽後打算比錢, 點知計起來又是不究錢, 於是又再 call 另外一個落來找數, 但這個要放工先至到, 卒知佢地就由本來是早茶而坐到晚飯先可以走, 哈哈...

沒有當天的經歷, 今天又何來回憶呢!!
大家今日都仔大女大, 再過多十年, 大家再說這事時, 亦會有今天天真的回心微笑或捧腹大笑.

皇者風範

晚上在文化中心看了今屆'香港藝術節'其中的舞蹈表演,
來自西班牙
'Eva Yerbabuena Ballet Flamenco' 的<< EVA >>.




她的身體每處都是充滿着佛羅明哥的節奏細胞, 舞動起來令人屏息以待.

殃及池魚

今日的手術很順利, 'QE'不愧是大醫院, 那個醫生很熟練地, 10分鐘就把它弄出來, 麻醉藥到晚上先過, 現在傷口才隱隱作痛.

在手術初時, 聽到醫生說找不到, 我個心當堂倒抽一口涼氣, '又來'?? 唔好卦! 我感覺到佢在找, 好在終於找到, 我好開心, 好驚重滔復徹再來一個, 好似上次咁就幣了.

這次發生了一個笑話, 我比人捉左去驗 HIV , 事原係個醫生幫我打完麻醉藥之後, 那支用完即棄的針筒, 因佢懶的關係, 用冒險樂園式的拋法飛去垃圾筒, 點知在針筒飛去途中, 殺出隻護士手, 女護士中左鏢, 流血, 因那針筒是染有我的血液, 所以佢驚死血液傳染咁, 就同我驗血, 仲同我講話 '送O既', 真係比佢地激死, 都唔知好嬲定好笑, 無端端比佢抽左兩大支血, 無辦法啦! 不過為求個護士安心, 我都好無奈!!